彩虹小食店1元1條炸春卷 老闆：做生意唔好賺到盡
發布時間： 2016/02/28 21:26
最後更新： 2016/03/01 14:07
魚蛋、燒賣、腸粉，香港平凡不過的小食，卻能食出人情味！在彩虹邨某個不起眼的角落，一間小食店屹立近20載，雖然通脹令物價上升，但小店沒大幅漲價，魚蛋、炸春卷統統「一蚊雞」，手掌般大的雞排每塊售4元，老闆坦言：
做生意唔好賺到盡，最重要回饋社會。
位於彩虹邨商場的小食店「楓林軒」，1998年開業，陳老闆說：「自己後生時捱過窮，做酒樓樓面養家，知道搵錢的確好艱難。」
小食店附近有數間學校，前來幫襯的都是學生、老街坊，
學生哥有幾多錢吖，其實我賺少啲，佢哋就儲多個錢喇，做生意唔使去到咁盡，回饋社會先至最緊要。
老闆：捱過窮 知學生錢不多
魚蛋、燒賣5元5粒，雞肉串3元1串，手掌般大的雞排則只需4元，三文治、炸雞髀、薯條、珍珠奶茶包羅萬有，有網民表示：
即叫即撈的撈麵，味道唔太濃，入口味道非常均勻。
街坊還盛讚西米豆漿、花奶西米冰，西米晶瑩通透爽口，甜味適中符合大眾口味。
《晴報》記者周日到訪小食店，短短一小時，人流如鯽，60歲的陳老闆親力親為忙到不得了。一做便過了接近20個寒暑，他見證着彩虹邨的變遷，
我睇住啲來幫襯嘅細路（學生）大㗎，有啲以前唔乖，佢哋會爬牆返學，但依家一個二個都成熟晒，仲會嚟買嘢食。
或者就是一份良心的經營之道，換得一班街坊多年來風雨不改的支持，他坦言，希望一直做落去，履行回饋社會的承諾。
全文刊於《晴報》，標題經TOPick編輯修改，原題為「彩虹平民小食店 1元1條炸春卷」
《晴報》facebook
